Sokamuturra 2024 argazki lehiaketa, Imanol Elias saria

Karnabal jaiak gainean ditugu eta jai hoiekin batera gure Sokamuturra eta Inauteri giro inguruko argazki lehiaketa ere badator.

Sokamutur lehiaketari dagokionez, inauteri jaietako egun hauetan ospatzen diren helduen sokamuturrean atera behar izango dira lehiaketako argazkiak, oraingoan otsailak 11, 12 eta 13 egunetan izango direlarik.

Sokamuturreko argazki hauek txuri beltzean izan beharko dira eta ez da onartuko argazki muntaiarik. Egile bakoitzak gehienez 5 argazki aurkeztu ahal izango ditu, baina gehienez sari batetarako bakarrik hautatua izan daiteke  (sari 'berezia' kontuan izan gabe). Nahi duen pertsona orok parte har dezake argazki lehiaketa honetan.

Sari berezia, Iñaki Joaristi "Altzarte" izenekoa, inauterietako jai giroari buruzko Koloretako argazki onenari emango zaio. Sari honetarako, partaide bakoitzak bi argazki aurkeztu ahal izango dituelarik.

Argazkien tamaina 20x30 zm-koa izan beharko da, eta argazki bakoitzaren atzekaldean argazkiaren titulua, argazkilariaren izen abizenak, helbidea eta kontaktu telefono bat jarri beharko dira. Argazki guztiak, artxibo digitalean ere bidali beharko dira erakusketakaae@gmail helbide elektronikora.

Aurreko urteetan egin den bezala, lehiaketatik kanporatuak izango dira argazkiak aurkezterakoan, bi formatuetan aurkezten ez dituzten lehiakideak.

Lanak aurkezteko epea 2024ko otsailak 22, osteguna, 22:00etan amaituko da (egun horretan argazkiak elkartean egon beharko dira).

Nahi duenak hemen ditu jeisteko 2024ko sokamuturreko argazki lehiaketako oinarriak.

2024ko martxoaren 2an, larunbata, eguerdiko ordu-batean, erakusketa irekitzearekin batera, sari banaketa egingo da.