Azken lekuak bete ondoren, ikastarorako izen ematea itxita ematen dugu.

Gogoratu, ikastaroa Soreasuko Dinamoan emango da, lehenengo klasea Otsailak 19a izango delarik.

Izen emandako guztiek mezu bat jasoko duzute informazio guztiarekin.

Eskerrik asko denoi.

Oinarrizko Argazkigintza Ikastaroa, 2025 (xehetasun gehiago)

Gabonak ere iadanik atzean utzita, hemen gatoz berriro gure 12x12 barne lehiaketarekin. Atzo ostegunez 2024ko azken gaia ikusi eta bozkatu genuen, Abenduko gaia 'Simetria' izan genuelarik. Argazkigintzan, simetriak konposizio guztiz orekatuak egiteko aukera ematen digu, eta hau irudiaren bi aldeek pisu bera dutenean lortzen da.

Balorazio guztiak egin ondoren hauek izan dira bozketen emaitzak:

· Abendua, 'Simetria': lehen postua Iñaki Etxenagusia, bigarren Adiel Zabala eta hirugarren Iñigo Olarte.

Hemen duzue lehen postuan gelditutako argazkia. Beti bezala lehen hiru argazkiak gure Ekintzak 12x12 atalean ikus ditzakezue.

2024ko 12x12 barne lehiaketako hileko gaien emaitza guztiekin, 2024ko edizioaren sailkapen orokorra ofizial egin dezakegu. Argazki-bilduma onena Iñaki Etxenagusiari egokitu zaio. Bigarren postua Adiel Zabalak lortu du eta hirugarrena Iñigo Olartek. Kasualitatea, abenduko gaiarekin gelditutako sailkapen berdina. Zorionak hiruroi.

Bide batez, eskerrak eman nahi dizkiegu hilabete hauetan beren argazkiekin parte hartu duten bazkide guztiei, eta berriro 2025ko urte honetan, hilabete bakoitzeko gaiak beren kameren bidez berriro adieraztera gonbidatzeno ditugu. Urte honetarako gaien zerrenda web orrian, 12x12 ekintzen atalean duzue.

Hemen dugu Etxenagusuiak, otsaileko 'Zubiak' gaian aurkezturiko argazkia.

Iadanik azken plazak gelditzen dira, izen ematea pentsatzen baduzu ez itxaron gehiago!

Orain aste batzuk Azpeitiko Argazki Elkartean 2025 urterako antolatu dugun oinarrizko argazki ikastaroaren berri zabaldu genuen. Bertan Reflex kamera digitalaren erabilera erakutziko da. Argazki kamera duenak eramatea eskatzen da, baina EZ DA BEHARREZKOA. Ohitura den bezala irteera praktikoak ere egingo dira.

Izen eman nahi duen guztiak Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera mezu bat bidaliz egin dezake. Beti bezala lehen idazten dutenak izango dute lehentasuna. Izen emateko azken eguna urtarrilak 30 izango da baina Iadanik taldea ia beteta dugu beraz norbait izen ematekotan bada, ahalik eta lehen kontaktuan jartzeko eskatzen dugu, laster itxiko bait dugu izen-emate zerrenda.

Ikastaroari buruzko xehetasunak:

• Noiz: 2025ko otsailak 19tik, apirilak 9 arte (Otsailak 19-26, Martxoak 5-12-19-26, Apirilak 2-9 egunetan).
• Eguna eta ordua: asteazkenak, 20:00etatik, 21:30tara
• Non: Azpeitiko Argazki Elkartearen egoitza berrian, "DINAMOA" sormen gunean, 1. solairua
• Prezioa: 60 €
• Parte hartzaile kopurua: 20 lagun gehiegez (10 gutxienokoa)

Oharra: Ikastaroa EUSKARAZ izango da.