Gaur eguerdian izan da Betharretako erakusketa aretoan Sokamuturra 'Imanol Elias' 2025 argazki lehiaketako eta 'Iñaki Joaristi -Altzarte' karnabal giroko sari banaketa.

Aurreko albistean jakinerazi genuen bezala aurtengo irabazlea Roman Azkue izan dugu, 'Aurrez Aurre' argazkiarekin. Bigarren saria Iñaki Etxenagusiak eskuratu du 'Panoramika' argazkiarekin, hirugarren Ander Uria izan da 'Sardoren Arriskua" argazkiarekin, laugarren Igor Froilan  'Ahhhh' argazkiarekin eta bosgarren Aritz Aranbarri 'Zezena 3' argazkiarekin. Inauteri giroko argazki onenaren Altzarte saria, Alberto Beloki-ren 'Padilla, Herria zurekin' argazkiak eskuratu du. Zorionak guztie.

Iadanik ohitura den bezala, sarien ondoren, Imanol eta Iñaki gogoratuz bere alargunei bi lore sorta banatu dira. Sari banaketarekin batera, lehiaketako erakusketa irekita eman da.

Aurreko astean, martxoak 17an, epaimahi puntuatzailea (Gorka Arregi, Juan Mari Otola eta Santi Elias, Azpeitiko Argazki Elkarteko kideak hirurak) elkartean bildurik eta Iñauteri jaietan ospatutako Sokamuturra argazki lehiaketan parte hartu zuten 19 argazkilariek bidalitako 133 argazkiak ikusi eta baloratu ondoren honako erabakia hartu zuten:

1. saria:  Roman Azkue, "Aurrez Aurre" argazkiarekin

2. saria:  Iñaki Etxenagusia, "Panoramika" argazkiarekin

3. saria:  Ander Uria, "Sardoren Arriskua" argazkiarekin

4. saria: Igor Froilan, "AHHHH" argazkiarekin

5. saria: Aritz Aranbarri, "ZEZENA 3" argazkiarekin

Iñaki Joaristi "Altzarte" saria, inauterietako jai giroari buruzko argazki onena, Alberto Beloki-ren "Padilla, Herria zurekin" argazkia izan dugu.

Zorionak saritu guztioi.

Urtero bezala argazki lehiaketara aurkeztutako argazkiekin erakusketa bat prestatzen ari gara Betharran aretoan, sarituen argazkiak ere lehenengo aldiz egun horretan ikusi ahal izango direlarik.

Sari banaketa erakusketa areto berean egingo da, martxoak 29 larunbata, eguerdiko 13:00ean. Guztiok zaudete bertara gonbidatuta.

Nahi duenak epai-mahikoen akta esteka honetan du ikusgai: Sokamtururra 2025 lehiaketako akta