Hemen gara berriro gure 12x12 barne argazki lehiaketarekin. Urriko gaia horizontea edo zerumuga genuen eta argazki guztiak ikusi eta bozkatu ondoren hauek izan ziren lehen hiru postuetan gelditu diren argazkilariak: lehen postuan Adiel Zabala, bigarren postuan Angel Olabarria eta hirugarren Iñaki Etxenagusia.
Hemen dugu lehen postuan gelditu den argazkia. Beti bezala, lehen hiru argazkiak gure 12x12 argazki galerian ikus ditzakezue.
Gaur astelehena irekiko da erakusketa eta abenduaren 1ra bitartean, Betharrako erakusketa-aretoan egongo dira ikusgai lehiaketa horretara aurkeztutako zenbait argazki.
Erakusketa honetan, originaltasunagatik, sormenagatik edo ekarpen artistikoengatik agertu diren argazki aipagarrienak ikus ditzakegu, beti ere epaimahaiaren arabera. Aurten, 33 herrialdetako 222 parte-hartzaileren 2404 obra aurkeztu dira. Oraingoan Trofeo Gipuzkoa 2023 saria Txinako Du Yi agazkilariarentzat izan da, Heart-Shaped Wings izeneko lanagatik.
Erakusketaren ordutegia:
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
Azaroak 3, igandean izan genuen gure Udazkeneko argazki rallya. Hainbat herritatik etorritako argazkilariak izan genituen egun horretan herriko kaleak bisitatzen: Zarautz, Donosti, Legazpi, Zumarraga, Zestoa, Tolosa, Leaburu, Idiazabal, Zalla, Barakaldo, Durango... eta noski Azpeiti bertakoak. Guztira 30 argazkilarik parte hartu zuten rallyan, tartean bost emakume izan genituelarik, ea hurrengo urterako gehiago animatzen diren.
Epaimahai puntuatzaileak, Pilar Aguayo (Donostia), Carlos Mediavilla (Legazpia) eta Iñaki Etxenagusia (Azpeitia) rallyra aurkeztutako argazkiak ikusi eta puntuatu ondoren, honako erabakia eman zuen:
