Goiz atsegin bat pasa nahi baduzu argazkiak ateratzen eta Azpeitiko bazterrak pixka bat ezagutzen, ez izan zalantzarik, hurbildu AZAROAREN 3an eta parte hartu gure Udazkeneko argazki rallyan.

Izen ematea Rallyko egun berean, elkarteko egoitzan izango da, Dinamo Kultur Gunea (Soreasu eraikina) goizeko 9:00etatik, 9terdik bitartean.

Argazkiak ateratzeko gaiak eta ibilbidea, rallyko egun bertan jakinaraziko dira.

Larunbatean, apirilak 13, epaimahai puntuatzailea (Alaitz Ruiz, Iñaki Etxenagusia eta Adiel Zabala) Azpeitiko Argazki Elkarteak duen lokalean bildurik, Apirilak 7an ospatu zen XLV. Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuen:

1. bilduma onena: Ordiziako J. Miguel Romero - 150€ eta Azpeitiko eskudela
2. bilduma onena: Ondarruko J. Carlos Romero - 120€ eta garaikurra
3. bilduma onena: Azpeitiko Oscar Baile - 90€ eta garaikurra

Herriko lehen ez saritua Igor Froilan izan genuen, berarentzat 70€ eta garaikurra.

Rallyko argazki onenaren saria aldiz Donostiko Natxo Castellanos-entzako izan da (albiste honetan duzuten argazkia). Berarentzat 50€ eta garaikurra.

Argazki bildumen proiekzioa eta sari banaketa A.A.E. ren egoitzan, Dinamoa Kultur Gunean (Soreasu), Apirilak 18an gaueko 9tan izango da. Denok zaudete gonbidatuta.

Beti bezala bilduma sarituak gure Ekintzak/Rallyak atalean dituzue ikusgai.

Udaberriko Rallyko akta.

Atzo gauean izan genuen aurtengo Udaberri argazki rallyko sari banaketa Azpeitiko Argazki Elkartean.

Ohitura den bezala, sari banaketaren aurretik Rallyan parte hartu zuten argazkilarien argazki bildumen proiekzioa izan zen.

Hemen ditugu sarituak beraien sariarekin. Gogoratu sarituen argazki bildumak gure web orrian, Ekintzak sailean dituzela ikusgai.

(Argazkiak taimaina handiagoan ikusteko egin klik xaguarekin irudiaren gainean).

Igandeko Udaberri Rallyan, Gipuzkoa eta Bizkaiko hainbat herrietatik etorritako 36 argazkilari izan genituen herrian: Zumarraga, Urretxu, Legazpia, Ordizia, Donostia, Berriz, Lazkao, Ondarroa, Zestoa, Zumaia, Eibar eta noski Azpeitikoak. Aipatzeko horien artean 8 emakume eta 2 gaztetxo izan genituela.

Azkeneko urteetan bezala aurtengo rallyan ere argazkilariek Azpeitia bertan osaturiko ibilbidea egin behar izan zuten, hauek izan zituztelarik atera beharreko argazki gaiak: lorategia (ikuspegi orokorra, argazki erakuskta (Betharretako aretoan), geometria, Azpeitiko enparantza nagusia eta umeen parkea.