Udaberrian sartu gara eta honekin batera hemen gatoz gure Udaberriko edo Urola Bailarako XLIV. Argazki Rallyarekin.

Aurten rallya Apirilak 2an ospatuko da. Izen ematea beti bezala Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00tatik 09:30ra bitartean. Izena emateko orduan 10€ ordainduko dirak. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitian bertan izango dugu.

Rallya 14:00etan bukatuko da. Argazkilariek Dianamoko egoitza berean deskargatu beharko dituzte txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena eta teknika izango dira kontutan puntuak ematean.

Gaur eguerdian izan da Betharretako erakusketa aretoan Sokamuturra 'Imanol Elias' 2023 argazki lehiaketako eta 'Iñaki Joaristi -Altzarte' karnabal giroko sari banaketa.

Aurreko albistean jakinerazi genuen bezala aurtengo irabazlea Ander Uria izan dugu, 'Azpeitiko arriskua' argazkiarekin. Bigarren saria Angel Olabarriak eskuratu du 'Nundik pasau behar diat' argazkiarekin, hirugarren Iñaki Etxenagusia izan da 'Rekortie' argazkiarekin, laugarren Juan Mari Ibarzabal 'Dotore' argazkiarekin eta bosgarren Iñigo Olarte 'Hanka jokue' argazkiarekin. Inauteri giroko argazki onenaren Altzarte saria, Juan Carlos del Pozok eskuratu du 'Denak gustora' argazkiarekin. Zorionak guztie.

Iadanik ohitura den bezala, sarien ondoren, Imanol eta Iñaki gogoratuz bere alargunei bi lore sorta banatu dira. Sari banaketarekin batera, lehiaketako erakusketa irekita eman da.