Durango-ko Javier Lopez-ek irabazi du XII. Gau-Txori argazki rallya

Aurtengo Gau Txori argazki rallyko argazki bildumarik onena Javier Lopez Fabian argazkilariarena dugu. Bigarren bilduna onena Jose Luis Rodriguez-ena izan da eta 3. bilduma onena aldiz Oscar Baile-rena. Herriko lehen sailkatua (hiru lehenetan ez saritua) Iñaki Itxenagusia izan da. Hala erabaki zuen atzo gauez lehiaketarako osatutako epaimahaiak rallyra aurkeztutako argazkiak ikusi eta berauek puntuatu ondoren. Epaimahia elkarteko hiru kidek osatua egon da: Gorka Arregi, Valen García eta Javier Ruiz de Larrinaga.

Otsailak 19an egin zen gaueko rallyan, 25 lagunek parte hartu izan zuten, honako gaiak landu behar izan zituztelarik: taberna naiz barrutik edo kanpotik, islada, kontrargia, kaldereroak eta abstraktoa.

Sari banaketa eta lehiaketara auzkeztutako argazkien proiekzioa martxoak 5ean izango da, Dinamoa Kultur Gunean (Soreasu), arratsaldeko 18:00tan.