Udaberriko 2025 Argazki Rallya
Udaberriarekin batera hemen gatoz gu ere gure Udaberriko edo Urola Bailarako Argazki Rallyarekin.
Aurtengo rallya Apirilak 6, igande honetan ospatuko da. Parte hartzea beti bezala DOAKOA izango da eta Izen ematea Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00etatik 09:30k bitartean. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitia bertan izango dugu.
Rallya 14:00etan emango da bukatutzat, ordu hori baino lehenago, 13:00etatik 14:00etara bitartean, argazkilariek Dianamoko egoitza berean deskargatu beharko dituztelarik txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena eta teknika izango dira kontutan puntuak ematean.
Partaideak gai bakoitzeko argazki bat aukeratu eta 2025ko Apirilaren 10 baino lehenago posta elektronikoz Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera bidali beharko ditu, partaidearen zenbakia eta aukeratutako argazkien zenbakiak adieraziz.
Epaimahaiaren erabakia jakin ondoren, apirilak 24ean, gaueko 21:00tan, Azpeitiko Argazki elkartearen egoitzan, argazki guztiekin argazki emanaldia eskainiko da eta ondoren sari banaketari ekingo zaio. Argazki sarituak antolatzaileen esku geldituko dira eta egokia irudituz gero, erabiltzeko eskubidea izango dute egilearen izena aipatuz
Rallyari buruzko informazio gehiago, albiste honetan erantsita aurkitu dezakezuten pdf artxibo edo oinarrietan dituzue.