Azpeitiko Argazki Elkartean Otsaila honetarako antolatu dugun Oinarrizko Argazki ikastararorako lagunen kopurua dagoeneko osatu da beraz izen-ematea itxita ematen dugu.
Jendea ikastaro hau agertzeko gogotsu eta zai zegoela dirudi. Eskerrik asko zuen interesa erakutsi duzuten guztioi. Gogoratu lehen klasea otsailak 6an, arratsaldeko 20tan izango dela.
Azpeitiko Argazki Elkartean aurten ere beste argazkigintza ikastaro bat antolatzea erabaki dugu. Oinarrizko maila erakutsiko da eta bertan Reflex kamera digitala erabiliko da.
Izen eman nahi duen guztiak Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera mezu bat bidaliz egin dezake. Beti bezala lehen idazten dutenak izango dute lehentasuna. Izen emateko azken eguna urtarrilak 30 izango da.
Noiz: 2019ko otsailaren 6tik (6-13-20-27 egunak), martxoak 27 bitartean (6-13-20-27 egunak).
Eguna eta ordua: asteazkenak, 20:00etatik, 21:30tara (irteera praktikoak ere egingo dira)
Non: Azpeitiko Argazki Elkartean. Perez Arrregi Enparantza 1-1. solairua
Iraupena: 20 ordu
Prezioa: 60 €
Parte hartzaile kopurua: 15 lagun gehiegez
Oharra: norberak eraman behar du kamara ikastarora. Klaseak euskaraz izango dira.
Astearte honetan, urtarrilaren 15ean, 2019ko lehenengo Pintxo-photo izango dute Tolosaldeko Argazki Elkartean.
Bertan, arratsaldeko 7retan, gure elkarteko Juan Mari Ibarzabal izango dute gonbidatu bezala, honek likidoekin egindako argazkiez hitzegingo duelarik.
Azpeitiko Argazki Elkartean aurten egin dugun azken proiektua 30 liburuz osaturiko argazki bilduma bat dugu. Bilduma hau osatzeko kide bakoitzak bere artxibategi pribatutik aukeraturiko argazkien bere albuma osatu du, liburu bakoitzari horrela estilo bakar eta berezi bat emanez. 1500 agazki inguru, gai eta estilo desberdinarekin osaturuko lan bikaina.
