Azken aste hauetan hainbat argazki-album berri gehitu ditugu Pepe Gilen bilduman, baita San Sebastian jaietako danborradei buruzkoak.

Iadanik 5500etik gora argazki ditugu igota! Azken asteetan 1981-1982 urteetako hainbat argazki sorta igotzen ibili gara, horien artean, musika bandarenak, Euskal Herriko itzuliarenak, desenkajonamentuarena, altzarigintza azoka eta noski 1982ko haurren eta helduen danborradako argazkiak.

San Sebastian festak gañean ditugula eta  gogoratu Pepe Gil bilduman hainbat urtetako danborradako argazkiak dituzuela ikusgai.

Azken lekuak bete ondoren, ikastarorako izen ematea itxita ematen dugu.

Gogoratu, ikastaroa Soreasuko Dinamoan emango da, lehenengo klasea Otsailak 19a izango delarik.

Izen emandako guztiek mezu bat jasoko duzute informazio guztiarekin.

Eskerrik asko denoi.

Oinarrizko Argazkigintza Ikastaroa, 2025 (xehetasun gehiago)

Iadanik azken plazak gelditzen dira, izen ematea pentsatzen baduzu ez itxaron gehiago!

Orain aste batzuk Azpeitiko Argazki Elkartean 2025 urterako antolatu dugun oinarrizko argazki ikastaroaren berri zabaldu genuen. Bertan Reflex kamera digitalaren erabilera erakutziko da. Argazki kamera duenak eramatea eskatzen da, baina EZ DA BEHARREZKOA. Ohitura den bezala irteera praktikoak ere egingo dira.

Izen eman nahi duen guztiak Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera mezu bat bidaliz egin dezake. Beti bezala lehen idazten dutenak izango dute lehentasuna. Izen emateko azken eguna urtarrilak 30 izango da baina Iadanik taldea ia beteta dugu beraz norbait izen ematekotan bada, ahalik eta lehen kontaktuan jartzeko eskatzen dugu, laster itxiko bait dugu izen-emate zerrenda.

Ikastaroari buruzko xehetasunak:

• Noiz: 2025ko otsailak 19tik, apirilak 9 arte (Otsailak 19-26, Martxoak 5-12-19-26, Apirilak 2-9 egunetan).
• Eguna eta ordua: asteazkenak, 20:00etatik, 21:30tara
• Non: Azpeitiko Argazki Elkartearen egoitza berrian, "DINAMOA" sormen gunean, 1. solairua
• Prezioa: 60 €
• Parte hartzaile kopurua: 20 lagun gehiegez (10 gutxienokoa)

Oharra: Ikastaroa EUSKARAZ izango da.

Egutegi berria osatu behar zuten argazkiak aukeratzeko argazki lehiaketa Gipuzkoako Foru Aldundiak eta Gipuzkoako Argazki Elkarteak antolatu zuten,  “Gipuzkoa 1000 urte” leloa izenpean. Irailaren 1etik 30era egin zen lehiaketan, 272 parte-hartzailek guztira 644 argazki aurkeztu zituzten, Gipuzkoako txoko eta leku ezberdinen esentzia harrapatuz.

20 argazkiren lehen hautaketa egin ondoren, epaimahaiak 13 finalista aukeratu zituen, bat azalerako eta urteko hilabete bakoitza irudikatzeko beste 12. Gure elkarteko kide dugun Juan Mari Ibarzabalen argazkia Iraila hilabetea irudikatzeko erabili da, bertan Astigarragako argazki bat ikus dezakegularik. Zorionak Juan Mari.

Hemen dugu egutegiko Iraileko argazkia eta aste honetan egin den egutegiaren aurkezpenean ateratako argazkia.