Larunbat honetan, otsailak 4, Azpeitiko Musika Bandak, Julian Barrenetxea Abesbatzarekin batera urteroko Karnabaletako Kontzertua eskainiko du Sanagustin Kulturgunean. Aurten ere kontzertuarekin batera eskaintzeko argazki proiekzio bat prestatu dugu, oraingoan 'Sokamuturra Argazki Lehiaketa'-ko argazki batzuk eta oraindik ikusi gabeko beste argazki asko ikusi ahal izango direlarik.
Ostegunean Iñaki Mendizabal argazkilariaren bisita izango dugu elkartean. NOCTIS PHOTO BOOKS argitaletxearekin argitaratu duen BOX liburua aurkeztuko digularik.
Hemen Jexus Mari Arruabarrenak liburuari buruz esaten duenena.
“Fotografook kristonak eta bi egiten ditugu gaietan eta giroetan murgiltzeko. Iñaki Mendizabalen kasuan alderantzizkoa gertatu dela esango nuke, bere eguneroko munduari urrunagotik begiratzen saiatu baita, boxeoari (bere jarduna eta zaletasuna) begi desberdinez so egiteko, gimnasioan eta ringean zer gertatzen den kanpotik ikusteko. Eta, zorionez, ez du ahaztu barruan zer gertatzen den. Horrek guztiak askoesaten du BOXen sakontasunaren alde. Mendizabalek errealitate gogorra eta konplexua ikusi du, eta hain zuzen ere horixe erakusten digu bere argazkien bidez. Azaldu ezer gutxi, baina partekatu dena: iluntasuna, ukabilkadak, odola eta izerdia batit bat. Hori ez dago edonoren esku. BOX egiteko kezka sakonak behar dira, ausardia eta sentiberatasun aparta ere bai”.
Beraz animatu eta ez galdu argazkilari apart hau ezagutzeko aukera eta boxeoari buruz egindako liburu bikain honetaz disfrutatzeko.
Hitzordu irekia, urtarrilak 25, Ostegunean gaueko 9tan.
Argazki Elkartetik 'Sokamuturra Argazki Lehiaketa' liburuak herri artean izan duen arrera ona eskertu nahi genuke.
Jadanik azken aleak bakarrik gelditzen dira eta honen aurrean Udaletxearen erantzuna eskertu nahi genuke, inor libururik gabe gelditu ez dadin bigarren edizio inprimaketa bat egitea onartu bait du, bitartean liburuaren azken aleak Foru Pasealeku Ibilbideko argazki erakusketan dituzue salgai.
Liburu berriak hil honen amaierarako izango ditugu, beraz astebukaera honetan (Sansebastian jaietan) liburu salmentarako posturik ez dela egongo jakinerazten dugu.
Azpeitiko Argazki Elkartea-k, Eneko Etxeberria (Azpeitiko alkatea), Mikel Ibarzabal (Festa Batzordeburua), Ixiar Oiartzabal (Imanol Elias-en alarguna), Fernando Araquistain (Azpeitiko Sokamuturra 500) eta aurkezpenera gerturatu ziren guztiei gure eskerrak agertu nahi dizkiegu.
Benetan pozik gaude liburuak jende artean izan duen arrerarekin eta salmentan izaten ari den arrakastarekin.
Atzo eta gaur hainbat dei izan ditugu liburuari buruz galdetzen, beraz hemen duzue liburuaren salmenta puntuei buruzko informazioa:
· Foru Pasealeku-ko erakusketa aretoan, arratsaldez 18:00tatik 20:00ak arte.
· Bihar, urtarrilak 16, asteartea, Udaletxeko arkupetan, goizeko 10:00-tatik 12:00ak arte.
· Urtarrilak 20, larunbata, udaletxeko arkupetan, goizeko 11:30-etatik aurrera.
Hemen dituzue aurkezpeneko argazki batzuk:
