Atzo ostegun gauez elkartera gerturatu zen guztiak gure kide eta lagun Jose Luis Lopetegiren argazki bilduma zabala ikusi ahal izan zuen.
Lopetegik bere argazki zaletasun honetan oso gai asko lantzen dituela erakutsi zigun: gai abstraktoak, uraren mugimenduak, gauekoak, arkitektura gaiak eta noski elkarte barruan egiten dugun barne lehiaketako hainbat gaietan eginiko argazkiak.
Eskerrik asko zure lana erakusteagatik Jose Luis.
Aurreko igandean, Ikasberri Kirol Elkarteak antolatuta, Euskadiko XVII. Kros Motzeko txapelketa izan genuen eta bertan izan ziren elkarteko hainbat kide beraien kamarek eskuetan.
Atzo gauean, Belokik beraren mobilarekin atera eta gero Instagram izeneko aplikazioarekin editaturiko argazki bilduma zabala erakutsi zigun.
Gai ezberdin asko ikusi izan ziren argazki artean, hala ere paisaia izan genuen gai nagusiena. Belokik aplikazio honen erabilera ongi menperatzen duela ikusi izan genuen eta irudi guzti hauekin gaur egungo telefono mobilek dituzten kamaren bidez atera daitezkeen argazki mota ezberdinak erakutsi zizkigun.
Ostegun gauean bere erakusketa ikusi izan ez zenuten guztientzat, hemen bere argazkiekin berak prestaturiko bideoa.
Atzo gauean, elkartean Juan Mari Ibarzabalen argazki bilduma ikusi ahal izan genuen, bertan bere ibilbide luzearen argazkiak ikusi ahal izan genituen, argazkilaritzan afizionatu gisa bere kamara analogikoarekin izan zituen lehen pausuetatik, gaur egungo kamara digitalekin ateratakoak arte.
Bere argazki aniztasun handia erakutsi zigun, argazki makroak, gauekoak, kirolekoak, gizartekoak, bere rallyko eskarmentu ezberdinak eta famili harteko argazki pertsonal gehiago.
Eskerrik asko zure lana erakusteagatik Juan Mari.
