Aurreko asteko ostegunez, elkartera etorri ziren guztiek Alaitz Ruiz kidearen argazkiak hobeto ezagutzeko aukera ederra izan zuten. Bertan Alaitzek bere argazki katalogo zabala erakutsi zuen, bere gaur egungo lanak eta egiten ari den argazki ikastaroko zeinbat irudi ere azalduz. Lan ederra Alaitz!
Nahi duenak hemen du bere argazki lanen bideo erakusketa bat.
Albiste politarekin gatoz gaur. Aurtengo Saninizioetako festak irekiko dituen txupinazioa Azpeitiko Argazki Elkarteko kideek botako dugu.
Elkartea sortu zela aurten 30 urte egin direla aprobetxatuz, eta Mikel Ibarzabal, udaletxeko festetako zinegotziak azaldu duen bezala "festetan eta beti hor ibiltzen dira argazki elkarteakoak, eta hori eskertu nahi zaie".
Txupinazoa botatzeko garaian, Angel Rodriguez (Azpeitiko Argazki Elkarteko lehen lehendakaria), Luis Rey (elkarteko kide sortzailetariko bat), Alberto Beloki (gaur egungo lehendakaria) eta Alaitz Ruiz (elkarteko kidea) izango dira udaletxeko balkoian.
Astebukaera honetan Ikasberri Kirol Elkarteak Azpeitiko Argazki Elkarteari esker oneko plaka bat eman zion, horrela Ikasberri Kirol Elkarteak elkarteari, beraien kirol ekintzetan parte hartu izana eskertu nahi izan dio.
Argazkietan ikus dezakezute garaikurra edo plaka jasotzeko momentua.
Atzo gauean argazki elkartean, argazki analogiko rebelatuen laboratorioko teknien erakustaldi bat izan genuen.
Gure elkarteko hainbat kidek lehen erabiltzen ziren errebelatuko hainbat tresnei hautsak kendu eta gaur egungo aro digital hau baino lehenago errebelatuak nola egiten ziren azaldu ziguten. Benetan erakustaldi bikaina, eskerrik asko!
