Argazki Astearen barruan, ostegun honetan, pintxo potearekin batera, herriko plazan Argazki Estudio bat izango dugu.

Hartu zuen pintxoa eta gerturatu bertatik zuen lagun, bikote edo familiartekoekin. Oroigarri eder bat izango duzue eskuetan!

Atzo larunbata aurkeztu genuen Pepe Gil argazki bildumarekin osaturiko liburua jende artean, Sanagustin Kulturgunean. Osasun arazoak medio, Pepe Gil argazkilariak ezin izan zuen bertara gerturatu, baina bertan izan zen bere ordez bere seme Enrique Gil.

Liburuaren aurkezpena, bertan agertzen diren hainbat argazkiren proiekzioarekin hasi zen, ondoren argazki elkarteko kide dugun Izaskun Zeziagak hartu zuen hitza, honek Pepe Gil argazkilariren ibilbideko hainbat xehetasunen berri eman zuelarik. 14 urte zituela etorri zen Zaragozatik, lehenik Donostira, eta gero Azpeitira, hemen igaro zituen urteetan milaka argazki atera zituelarik. Erretiratu zenean, Azkoitira joan zen bizitzera baina Azpeitian gelditu zen bere bilduma zabala. Pepe Gil, Mikel Ibarzabal ordungo zinegotziarekin jarri zen harremanetan, nahi izan ezkero bere argazki artxiboa bere eskuetan jartzen zuela esanez. Hau, orduan argazki elkartearekin jarri zen harremanetan eta gure esku jarri zuen irudi artxibo handi hori. Hainbat urtetan egon da material hori gure eskuetan, milaka argazkitik gorako altxorra, eta orain urte batzuk elkarteko Juan Joxe Agirre kidea, argazkiak digitalizatzeko lana bere gain hartzeko prest agertu zan.

Bihar larunbata, 11:30tan jarriko da salgai herriko plazan Pepe Gil liburua.

LIburu honetan argazkilari honen 550 argazki ikusteko aurkera izango da. Beraietan Azpeitiak eta bere jendeak azken urteetan izan duen aldaketa ikusi ahal delarik.

Hasiera batetan iganderarteko salmenta programa bat prestatu da, eta egunero liburu salmenta leku bat jartzeko asmoa baldin badugu ere, saltzeko ditugun liburu zenbakia limitatua da, beraz baliteke azken eguna iritxi baino lehen libururik gabe gelditzea. Horregatik hemendik jendeari liburua erosi nahi izan ezkero azken egunerarte ez gelditzeko deialdia egiten diogu.

Azpeitiko Argazki Elkarteak 2.019 urtean 35 urte bete ditu eta hau ospatu nahiean azaroan 2tik 9ra bitartean "Argazki Astea" ospatuko dugu.

Egun hoietan hainbat ekintza antolatu ditugu herri barruan, horien artean "Euskal Herriko argazki topaketak" eta une berezienetako bezala Pepe Gil herriko argazkilariari egingo diogun omenaldia, bere argazki sorta batekin (550 argazkirekin) liburu bat ere argitaratuko dugularik.

Hemen duzue "Argazki astea" -n izango ditugun ekitaldiei buruzko programa.

• Urriak 28tik, azaroak 10era
  Sanagustin eta Foru ibilbideko aretoetan Pepe Gil argazkilariaren bildumak erakutsiko dira.
  Herriko dendetan, Elkarteko kideek 2017an egin genuen "Lan Berezia" ere zintzilikatuko da.
  
  
• Azaroak 2 larunbata
  12:30 PEPE GIL OMENALDIA, Sanagustin Kulturgunean:
  • Azpeitiko udalak eta Azpeitiko Argazki Elkarteak Pepe Gil argazkilariaren ibilbideari aitorpena
  • Liburuaren aurkezpena
  • Argazki proiekzioa
  • Liburu salmenta
• Azaroak 3 igandea
  Lagun Onak Mendi Bazkunak eta Argazki Elkarteak elkarlanean antolatuta XXX Udazkeneko eta XXIV Mendiko ARGAZKI RALLYA
• Azaroak 4 astelehena
  18:30 "Emakume Txokoa" elkartearekin antolatua, "DINAMO Sormen Gunea" aretoko proiekzio gelan, LURDES R. BASOLÍk argazkilaritzan daraman ibilbidearen berri emango digu. Sarrera doain edukiera bete arte.
• Azaroak 5 asteartea
  • 15:45 Helduentzako proiekzioa. Pepe Gil artxiboaren proiekzioa "Eguneko zentroan".
  • 19:30 JOANA BIARNÉS, UNA ENTRE TODOS dokumentala eta LIFE pelikularen proiekzioa “Dinamo Sormen Gunea” aretoan. Sarrera doain edukiera bete arte.
• Azaroak 6 asteazkena
  Helduentzako proiekzioa. Pepe Gil artxiboa.
  • 11:30 “San Martin” egoitzan
  • 16:30 "Baigeran"
• Azaroak 7 osteguna
  Pintxo pote unea aprobetxatuz Plaza Nagusiko Kioskoan “KALE ESTUDIO HERRIKOIA”.
• Azaroak 8 ostirala
  • 09:00 Soreasu zinema aretoan, IKASLEEN ARGAZKI LEHIAKETA-n parte hartu duten 500 haurrei (11, 12, 13 urte artekoak) argazki erakusketa. Sari banaketa.
  • 16:00tik aurrera "OFIZIOAK-AFIZIOAK" erakusketako argazkiak zintzilikatuko dira. Enparantza nagusiko zutabeetan denboraldi baterako erakusketa proiektua, bertan herriko 30 lanbideren argazkiak ikusiko ditugu.
• Azaroak 9 larunbata
  TOPAKETAK 2019. Euskal Herriko argazki elkarteen topaketak.
  
  • 09:30 Harrera eta gosaria Sanagustin kulturgunean.
  • 10:30 Sanagustin Kulturgunean DARIO CUESTA argazkilariaren hitzaldia.
  • 12:00 Bisita gidatuak:
    o Soreasu Sormen Gunea
    o Bakardadearen Kapera Parrokian.
    o Herriko Garbitokia
  • 13:30 Denboraldi baterako erakusketa proiektua Herriko plazan.
  • 14:30 Argazki Topaketak bazkaria, Azoka Plazako "Elikagunean"

Nahi duenak hemen ikus/jaitsi dezake egitarau osoa: Argazki Astea 2019