250 pertsona baino gehiago pasa ziren larunbatean Azoka Herritik ekitaldiaren barruan prestatu genuen gure Argazki Estudiotik. Era guztietako argazkiak egin ziren, jendea bere familiarekin, bikotekidearekin, lagun kuadrilarekin etorri zen, beraien etxeko animaliarekin etorri zenik ere egon zelarik. Gaur eguerdian bidali dira argazki guztiak, beraz oraindik norbaitek bere argazkiak ez baditu jaso mesedez jarri gurekin kontaktuan Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera mezu bat bidaliz.

Azpeitiko Argazki Elkartetik eskarrik eman nahi dizkiegu bertara gerturatu eta Azoka Herritik jardunaldirako antolatu genuen ekitaldian parte hartu zuten jende guztiari.

Larunbat honetan, Sanjuandegiko Azoka Herritik barruan, hainbat ekitaldi prestatu ditugu.

12:30etatik 13:30etara, plazako lokal itxi batean argazki tailer bat muntatuko dugu. Bertan argazkiak flash ezberdinekin argitzeko moduak erakutsiko ditugu. Nahi duena gerturatu daiteke bertara.

Bestalde, 11:30etatik aurrera, arkupetan, tailerra emango den lokalaren aurrean, iadanik ohitura bihurtu den gure argazki estudioa izango da. Beti bezala herri guztiari irekia egongo da eta bertara gerturatzen den guztiak argazki bat dohainik ateratzeko aukera izango du. Argazkilariak, Azpeitiko Argazki Elkarteko kideak izango dira eta argazkia (ondorengo egunetan) korreo elektronikoz bidaliko da.

Animatu denok, gerturatu larunbatean guregana eta aprobetxatu argazkilaritzaz gehiago jakiteko edo eta famili, bikotekide, lagun arteko argazki eder bat ateratzera!

Orain dela aste batzuk jakinarazi genuen bezala, 'Pepe Gil. Azpeitiko memoria grafikoa 1966-2007' liburuak izandako arrakasta ikusita, Azpeitiko Udalak 500 unitateko bigarren edizio bat inprimatzea erabaki zuen. Liburuak dagoeneko prest daude. Beraz, hemen jakinarazten dizkizuegu liburuaren salmentarako lekuak, egunak eta orduak zein izango diren.

Gogoratu oraingo honetan liburuaren ale gutxiago egongo direla salgai. Beraz, erosteko asmoa baduzue, gomendatzen dizuegu ez egoteko zain azken egunera arte.

Hona hemen liburuaren salmenta puntuak eta orduak:

"Pepe Gil. Azpeitiko Memoria Grafikoa 1966-2007" liburuak izan duen arrakasta ikusita, Azpeitiko Udaletxeak 500 unitateko bigarren edizio bat inprimatzea erabaki du. Laster izango duzue salmenta leku eta ordutegiei buruzko informazioa.