Urtero bezala, hemen gatoz berriro Mendiko XXII. eta Udazkeneko XXVIII. argazki rallyarekin, aurten azaroaren 5ea, izango da, hau da, igande honetan. Dakizuen bezala rally hau Lagun Onak Mendi Bazkunak eta Azpeitiko Argazki Elkarteak elkartean antolatzen dugun argazki rallya da.

Izen ematea, rallyko egun berean, goizeko 9:00etatik 9:30etara, Azpeitiko Argazki Elkartearen egoitzan izango da  (Perez Arregi plazuela 1 zenbakian, 1. solairuan – Telefonikako eraikin zaharra). Kamera digital bat eta memoria-txartel huts bat duen edonork parte har dezake rallyan. Nagusientzat izen ematea 10€ izango dira eta 16 urtetik beherakoentzat dohainik.

Apirilaren 2an epaimahai puntuatzailea Azpeitiko Argazki Elkarteak duen lokalean bildurik, Martxoak 2an ospatu zen Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuten.

1. bilduma onena: Igor Froilan
2. bilduma onena: Javier Lopez
3. bilduma onena: Mikel Cagigal

Gazteen artean bilduma onenaren saria Xabat Laiglesia-k eraman du. Zorionak guztioi.

Azpeitiko Argazki Elkartearen izenean eskerrik asko Udaberriko argazki rallyan parte hartu zenuten guztioi. Zorionak irabazleei eta denoi hurrengo urtera arte.

Argazki bildumen proiekzioa eta sari banaketa larunbat honetan, Maiatzak 6an, arratsaldeko 6retan izango da Baigera I, jubilatuen taberna-jatetxeko lehen pisuan. Denok zaudete gonbidatuta.

Maiatzak 6, larunbata, izan genuen aurtengo Udaberriko Rallyko irabazleen sari banaketa, oraingo honetan Baigera I-eko hegoitzan.

Ohitura den bezala, sari banaketaren aurretik Rallyan parte hartu zuten argazkilari guztien argazki bildumen proiekzioa ikusi ahal izan zen bertan. Hauek izan genituen lehen postuetan geldituriko argazkilariak: Igor Froilan, Javier Lopez eta Mikel Cagigal. Gazteetan Xabat Laiglesiarentzat izan zen saria. Eskerrik asko bertara gerturaturiko jende guztiari eta hurrengo urterarte.

Argazkiak gure web orrian dituzue ikusgai, Ekintzak / Rallyak sailean.

Atzoko Udaberri Rallyan, Gipuzkoa eta Bizkaiko hainbat herrietatik etorritako argazkilariak izan genituen herrian.

Aurtengo rallyan ere argazkilariek Azpeitia bertan osaturiko ibilbidea egin behar izan zuten, hauek izan zituztelarik atera beharreko argazki gaiak: herriko plaza, udaberriko koloreak, zubia, kontra-argia eta gai sorpresa. 11tatik 11:30etara haimaiketako eder batez gozatzeko aukera ere izan zuten Zelai Luze elkartean. Aurreko urtean eguzkia lagun izan bazuten, aurten eguraldi nahiko nahasia izan zutela esan behar, zaparrada eder batzuk barne, baina gure argazkilariek gogoz ekin zioten lanari.

Gai sorpresa Udaletxe goian zegoen, Jose Mari Orbegozo dantza taldeko bi bikote zeuden bertan eta argazkilariek beraien dantza saioa izan zuten argazki gaia. Hemendik gure eskerrak dantzariei beraien ekarpenagatik.