Atzo ostegunez elkartu zen epaimahai puntuatzailea (Iñaki Etxenagusia, Juan Mari Ibarzabal eta Alaitz Ruiz) eta rallyra aurkeztu ziren argazki bilduma guztiak ikusi eta baloratu ondoren, honako emaitza eman zuen.

1. bilduma onena: Juan Ramón Llavori - 180€ eta garaikurra
2. bilduma onena: Jon Esnaola - 150€ eta garaikurra
3. bilduma onena: Julián Ruiz - 120€ eta garaikurra

Herriko lehen sailkatua (ez saritua): Maider Odriozola - 90€ eta garaikurra

Argazki onena Julian Ruiz-en bildumako argazki bat izan da - 60€ eta garaikurra berarentzat.

Rallyan parte hartu zuten gaztetxoen emaitza honakoa izan da:

1. bilduma onena: Xabat Laiglesia - 30 euroko balea eta Garaikurra
2. bilduma onena: Libe Korta - 20 euroko balea eta Garaikurra
3. bilduma onena: Araia Lazkano - 15 euroko balea eta Garaikurra

Argazki bildumen proiekzioa eta sari banaketa Azaroak 23, larunbata, arratsaldeko 18:30-tan izango da Lagun Onak MB-ren elkartean (Eliz kale 21). Denok zaudete gonbidatuta.

Urtero bezala, hemen gatoz berriro Mendiko XXIV. eta Udazkeneko XXX. argazki rallyarekin. Aurten azaroaren 3an, izango da.

Rally hau Lagun Onak Mendi Bazkunak eta Azpeitiko Argazki Elkarteak elkartean antolatzen dugun argazki rallya dugu.

Izen ematea, rallyko egun berean, goizeko 9:00etatik 9:30etara, Azpeitiko Argazki Elkartearen egoitzan izango da  (Perez Arregi plazuela 1 zenbakian, 1. solairuan – Telefonikako eraikin zaharra). Kamera digital bat eta memoria-txartel huts bat duen edonork parte har dezake rallyan. Nagusientzat izen ematea 10€ izango da eta 16 urtetik beherakoentzat dohainik.

Rallyko partehartzaileek, Lagun Onak Mendi Bazkuneko kideek diseinatutako ibilbidean zehar eta Azpeitiko Argazki Elkarteko kideek ezarritako gaiekin bat etorriko diren argazkiak atera beharko dituzte. Ibilbidean zehar, mendizaleak izango ditugu bidelagun. Ibilbidearen erdi aldera, hamaiketakoa zain izango duzue indarrak hartu eta ibilbideari berriro ekiteko. Rallya 13:30etan amaituko da Azpeitiko Enparantza Nagusian txartelak ordenagailuetan hustuz.

Partaide bakoitzak bere argazkiak etxean lasai ikusteko aukera izango du, argazki aukeraketa azaroak 10erako bidali beharko delarik Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera. Bertan,'partaidearen izena', 'artxiboaren izena' eta 'gaiaren zenbakia' zehaztu beharko dira.

Behin rallyko emaitzak eta sailkapena ezagututa sari banaketari eta bildumen proiekzioari ekingo zaio, hau azaroaren 23an egingo da, arratsaldeko 18:30tan, Lagun Onak Mendi Bazkunaren elkartean (Eliz Kale, 21). Animatu parte-hartzera!

2019ko Mendi eta Udazkeneko Rallyko oinarriak ikusi.

Atzo igandean ospatu zen Mendiko eta Udazkeneko argazki rallya. Oraingoan argazki zaleek hainbat lekutan haizea izan zuten lagun baina euriak behintzat lasi utzi zituzten eta goiz polita pasa ahal izan zuten argazkiak ateratzen. Atzoko rallyan 22 lagunek parte hartu zuten, horien artean 6 gaztetxo.

Antolakuntzak gai hauek aukeratu zituen rallyko gai bezala: baserria, ibaia-erreka, Izarraitz Mendizerra, udazkena eta Loiola.

Rally erdian, Lagun Onak MB-k antolatuta, parte hartzaileek haimaketako bero bat hartzeko aukera ederra izan zuten Ekotxea museoaren aterpean. Indarrak berritu eta rallyan jarraitzeko geldiune aproposa. Rally-ko argazkiak atera ondoren argazkilariek udaletxe azpiko arkupetan izan zuten azken geldiunea, bertan beraien txartelak hustuaz eman zutelarik rallya amaitutzat.

Argazkilari bakoitzak orain bere aukeraketa etxean lasai egiteko astebeteko epea dauka. Gogoratu, Azaroak 10-erako bidali behar dira aukeraturiko argazkiak, bertan 'partaidearen izena', 'artxiboaren izena' eta 'gaiaren zenbakia' zehaztuz, helbide honetara: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Behin rallyko emaitzak eta sailkapena ezagututa sari banaketari eta bildumen proiekzioari ekingo zaio, hau Azaroaren 23an, arratsaldeko 18:30tan izango da Lagun-Onak Mendi Bazkuna-ren elkartean.

Oraingo honetan ere gure elkarteko bi kide ditugu zoriontzeko. Guztira 47 argazkilarik hartu zuten Donosti argazki rallyan parte, elkarteko bi kide aurkeztu zirelarik, eta beraientzako izan ziren lehen eta hirugarren sariak, Azpeitian dugun argazki maila handiaren seinale ederra. Zorionak bioi!

Hemen dituzue bi argazkilariek rally-ra aukeztu zituzten argazki bilduma saridunak. Hauek izan ziren landu beharreko gaiak: lore bat, lerro zuzena, erretratua, Olatu Talka eta kontrastea.

Julian Ruiz-en bilduma irabazlea: