Aurreko astean, martxoak 17an, epaimahi puntuatzailea (Gorka Arregi, Juan Mari Otola eta Santi Elias, Azpeitiko Argazki Elkarteko kideak hirurak) elkartean bildurik eta Iñauteri jaietan ospatutako Sokamuturra argazki lehiaketan parte hartu zuten 19 argazkilariek bidalitako 133 argazkiak ikusi eta baloratu ondoren honako erabakia hartu zuten:

1. saria:  Roman Azkue, "Aurrez Aurre" argazkiarekin

2. saria:  Iñaki Etxenagusia, "Panoramika" argazkiarekin

3. saria:  Ander Uria, "Sardoren Arriskua" argazkiarekin

4. saria: Igor Froilan, "AHHHH" argazkiarekin

5. saria: Aritz Aranbarri, "ZEZENA 3" argazkiarekin

Iñaki Joaristi "Altzarte" saria, inauterietako jai giroari buruzko argazki onena, Alberto Beloki-ren "Padilla, Herria zurekin" argazkia izan dugu.

Zorionak saritu guztioi.

Urtero bezala argazki lehiaketara aurkeztutako argazkiekin erakusketa bat prestatzen ari gara Betharran aretoan, sarituen argazkiak ere lehenengo aldiz egun horretan ikusi ahal izango direlarik.

Sari banaketa erakusketa areto berean egingo da, martxoak 29 larunbata, eguerdiko 13:00ean. Guztiok zaudete bertara gonbidatuta.

Nahi duenak epai-mahikoen akta esteka honetan du ikusgai: Sokamtururra 2025 lehiaketako akta

Pasa den larunbatean Santo Tomas 2024 argazki lehiaketaren sari banaketa ospatu genuen. Aurtengo epaimahia Javier Bastidak, Iñaki Etxenagusiak eta Valen Garciak osatu zuten, eta argazki guztiak ikusu eta puntuatu ondoren, honako emaitza eman zuten: bilduma onena eta lehen postua Alberto Belokirentzat izan zen, bigarren Adiel Zabala eta hirugarren Roman Azkue. Zorionak guztioi.

Hemen ditugu sari banaketako argazkiak.

Pasa den larunbatean Kaldereroak izan genituen Inauterien etorrera iragartzen eta jai hauekin batera, gure Sokamuturra argazki lehiaketa ere bueltan da.

Lehiaketa honek bi zati edo gai dituela esan genezake: Sokamuturra gaia, Imanol Elias sariari dagokionez, inauteri jaietako egun hauetan ospatzen diren helduen sokamuturrean atera behar izango dira lehiaketako argazkiak, aurten martxoak 2, 3 eta 4 egunetan izango direlarik. 5 argazki aurkeztu beharko dira, argazki hauek zuri beltzean izan beharko direlarik. Beste gaia, inauteri gaiari buruzkoa dugu, Iñaki Joaristi Altzarte saria, eta hemen 2 argazki aurkeztu behar dira, argazki hauek koloretan izan beharko direlarik. Beti bezala nahi duen guztiak parte hartu ahal izango du.

Aurten oinarriak aldatu direla jakinarazten dugu, egile bakoitzak argazki guztiak, hau da, 7ak aurkeztu beharko baititu nahitaez. Alde batetik sokamuturraren 5 argazki, zuri-beltzean, eta bestetik, koloretako bi argazki, inauterien gaiari buruzkoak. Inola ere ez da onartuko argazki-muntaiarik.

Badator San Tomas eguna, eta horrekin batera, Azpeitiko Argazki Elkarteko bazkideei zuzendutako barne argazki lehiaketa.

Lehiaketan aurkeztu beharreko argazkiak abenduaren 21ean egin beharko dira San Tomas azokan. Landu beharreko gaiak lehiaketa honetan iadanik ohikoak ditugunak izango dira eta, beti bezala jaiarekin loturikoak: landareak (barazkiak, frutak, loreak...), herri kirolak, ttuntturroak, txistorren postuak (orokorra, detailea, pintxoak...) eta baserritarraren erretratua kalean.

Argazkiak koloretan edo zuri-beltzean izango dira eta artxibo digitalean, 30zm x 40zm tamainan 2025ko urtarrilak 9 baino lehen argazkiakaae@gmail.com helbidera bidali beharko dira.

Puntuatzeko garaian, bere balio teknikoa, artístikoa….. baloratuko da  . eta azken urteetan ohikoa denez, sariaz gain, beste sari "gozo gozo" bat ere banatuko da.