Gaur astelehena irekiko da erakusketa eta abenduaren 1ra bitartean, Betharrako erakusketa-aretoan egongo dira ikusgai lehiaketa horretara aurkeztutako zenbait argazki.
Erakusketa honetan, originaltasunagatik, sormenagatik edo ekarpen artistikoengatik agertu diren argazki aipagarrienak ikus ditzakegu, beti ere epaimahaiaren arabera. Aurten, 33 herrialdetako 222 parte-hartzaileren 2404 obra aurkeztu dira. Oraingoan Trofeo Gipuzkoa 2023 saria Txinako Du Yi agazkilariarentzat izan da, Heart-Shaped Wings izeneko lanagatik.
Erakusketaren ordutegia:
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
Azpeitiko Udala eta Azpeitiko Argazki Elkartearen elkarlanarekin antolatzen den zezenketari buruzko argazki erakusketa dugu hau. Betharretako erakusketa aretora gerturatzen den guztiak zezenketa eta errekortadore egunetako hainbat argazki ikusi ahal izango ditu.
Erakusketa, abuztuak 2 arte egongo da ikusgai.
Ordutegia:
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
Herrian urte desberdin hauetan sagardo txapelketetan ateratako argazkiak jarri ditugu ikusgai. Hauek dira argazkiak utzi dituzten kideak: Jexus Artola, Javier Bastida, Alberto Beloki, Juan Carlos del Pozo, Iñaki Etxenagusia, Valen Garcia, Juan Mari Ibarzabal, Angel Olabarria eta Iñigo Olarte.
Uztailaren 26ra arte egongo dira argazkiak ikusgai.
Argizaiola, Euskal Herriko argazki federakuntzak antolatzen duen leihaketa bat da, argazkilari askoren esanetan "lehiaketen artean txapelduna", bertara argazki bat aurkezteko antolakuntzatik gonbidapen bat jaso behar bait duzu. Federazioak urtean zehar babesturiko lehiaketetan, Nafarroan, Euskal Autonomian zein IParraldean bizi diren saritutako argazkilariek gonbidapenez parte hartzen dute bertan. Hala, erakusketa honetan Euskal Herriko hainbat argazki-lehiaketako irabazleen argazkiak ikusi ahal izango dira, baita noski Argizaiola lehiaketa bertan saritutako lanak ere.
2023an eginiko 43. "Argizaiola" ren edizioaren garailea Imanol Zubiaurre (Beasain) argazkilaria izan zen, bi akzesiak, Javier Ortiz eta Andrés Basiliok eskuratu zituzten.
Erakusketa uztailak 21 arte egongo da irekita. Ordutegia:
Astelehenetik ostiralera: 18:00tik 20:00 arte
Astebukaera eta jaiegunetan: 12:00tik 14:00 arte
