Txoriak edo eta argazkilaritza gustatzen zaizkion guztiak sorteko dira, Juan Mari Ibarzabal argazkilariaren "Txoriak" berriro herrian ditugu, oraingo honetan Sanagustin Kulturgunean. Argazkiak, gaurtik, urtarrilak 31 arte egongo dira ikusgai.

Hemen erakusketan ikusi ahal izango diren argazki batzuk.

Azken urteetako ohiturarekin jarraituz Santo Tomas jaietako erakusketa prestatu dugu, aurten Betharran aretoan.

Erakusketa honetan 2019ko Santo Tomas egunean antolatu genuen barne argazki lehiaketako argazkiak ikusi ahal izango dituzue

Argazkiak abenduak 20 arte egongo dira ikusgai.

Erakusketaren ordutegia:
Astelehena - Ostirala: 18:00 - 20:00
Astebukaera eta jai-egunak: 12:00 - 14:00

Gaur astelehena ireki da Sanagustin Kulturgunean elkarteko barne lehiaketari buruzko erakusketa berria.

Barne lehiaketa honetan parte-hartzaileek hilero argazki bat aurkezten dute (urtearen hasieran aukeratzen diren 12 gaien arabera), eta hilaren bukaeran argazki guztiak elkarteko kideen artean baloratzen dira. Amaieran parte-hartzaile bakoitzak bere argazkia nola eginda dagoen azaltzen du eta bertakoen galderak erantzun.

Oraingo honetan Sanagustinera gerturatzen den guztiak 2019ko azken sei hilabeteetako argazkiak ikusi ahal izango ditu.

Erakusketa irailak 28tik, urriak 12 arte egongo da ikusgai.

Gaur arratsldean berritu dugu Lagun Onak Mendi Bazkunean dugun argazki erakusketa. Oraingoan ere argazkiak elkarteko argazkilarienak ditugu: Jabier Bastida, Iñaki Etxenagusia, Ramón Etxeberria eta Angel Olabarria ain zuzen. Nahi duenak azaroak 22 arte izango du argazkiak ikusteko aukera.