Azken urteetako ohiturarekin jarraituz Santo Tomas jaietako erakusketa prestatu dugu, aurten Betharran aretoan.

Erakusketa honetan 2019ko Santo Tomas egunean antolatu genuen barne argazki lehiaketako argazkiak ikusi ahal izango dituzue

Argazkiak abenduak 20 arte egongo dira ikusgai.

Erakusketaren ordutegia:
Astelehena - Ostirala: 18:00 - 20:00
Astebukaera eta jai-egunak: 12:00 - 14:00

Gaur astelehena ireki da Sanagustin Kulturgunean elkarteko barne lehiaketari buruzko erakusketa berria.

Barne lehiaketa honetan parte-hartzaileek hilero argazki bat aurkezten dute (urtearen hasieran aukeratzen diren 12 gaien arabera), eta hilaren bukaeran argazki guztiak elkarteko kideen artean baloratzen dira. Amaieran parte-hartzaile bakoitzak bere argazkia nola eginda dagoen azaltzen du eta bertakoen galderak erantzun.

Oraingo honetan Sanagustinera gerturatzen den guztiak 2019ko azken sei hilabeteetako argazkiak ikusi ahal izango ditu.

Erakusketa irailak 28tik, urriak 12 arte egongo da ikusgai.

Gaur arratsldean berritu dugu Lagun Onak Mendi Bazkunean dugun argazki erakusketa. Oraingoan ere argazkiak elkarteko argazkilarienak ditugu: Jabier Bastida, Iñaki Etxenagusia, Ramón Etxeberria eta Angel Olabarria ain zuzen. Nahi duenak azaroak 22 arte izango du argazkiak ikusteko aukera.

Urtero bezala, iraileko egun hauetan Gipuzkoa XLVII. Nazioarteko Trofeoko argazki bilduma Azpeitian dugu, ain zuzen, Betharran aretoan, bihar laraunbata, Irailak 12tik, 27ra.

Trofeo Gipuzkoa argazki lehiaketa 1948 urtean antolatu zen aurreneko aldiz. Urteetan gorabeherak izan ondoren, 1972an hartu zuen gaur egungo egitura.

Oraingoan, Mingchong CHEN, txinatarrak aurkeztutako “Mother and son by the Kenny River-” argazkia izan da garailea.   

Erakusketaren ordutegia:
Astelehenetik ostiralera: 18:00 - 20:00
Asteburu eta jai egunetan: 12:00 - 14:00