Atzo, osten gauez jakinerazi ziren Santo Tomas argazki barne lehiaketako irabazleak.

Zuri beltzeko modalitatean Alberto Beloki izan genuen irabazlea eta koloretan aldiz Juan Mari Ibarzabal-en bilduma izan genuen onena. Sari banaketaren aurretik lehiaketan parte hartu zuten argazkilari guztien bildumak ikusi ahal izan ziren eta ondoren irabazleen sari banaketa egin zen. Hemen dituzue gau horretako argazkiak.

"Gure Inguruari begirada bat" lehiaketako epai-mahia aurreko astean elkartu eta argazki guztiak ikusi ondoren, honako erabakia eman zuen:

• Lehen kategoria 'Bertako produkturen azoka eta feriak': Igor Froilan, Valen García eta Juan Carlos del Pozo
• Bigarren kategoria 'Elikadura eta festak': Alberto Beloki, Mikel Zengotita eta Jexux Artola
• Hirugarren kategoria 'Elikagaien ekoizpen guneak': Iñaki Etxenagusia, Juan Luis Odriozola eta Javier Bastida

Sari ematearekin batera, lehiaketara aurkezturiko argazkiekin osaturiko erakusketa ere irekia eman zen. Beraz, nahi duenak Betharratako aretoan ikus ditzake argazki guztiak. Astelehenetik ostiralera, arratsaldeko 18:00tatik 20:00ak arte egongo da irekita eta astebukaera eta jai egunetan eguerdiko 12:00etatik 14:00tara.

Gure eskerrik beroenak Azpeitiko udaletxeko ingurumen sailari lehiaketa antolatzeagatik.

Hemen dituzue sari emanaldiko argazki batzuk.

Aurreko larunbatean izan zen Soraluzen Herriz Herri 2015 argazki rally ligako sari banaketa eta bertan izan ziren gure elkarteko hiru kide beraien sariak jasotzen.

Iñaki Etxenagusiak rallyko 3. postua lortu zuen, Juan Mari Ibarzabalek bostgarrena eta Iñigo Kortak zazpigarrena. Zorionak hirurei!

Hemen dituzue sari banaketako argazkiak.