Ihauteriak ere laister ditugu berriro Azpeitian, eta jai hauekin batera gure Sokamuturra eta Ihauteri giro inguruko argazki lehiaketa.

Dakizuen bezala ihauteri jaietako egun hauetan, helduen sokamuturrean atera behar dira argazkiak, aurten, otsailak 15, 16 eta 17 egunetan.

Sokamuturreko argazkiak txuri beltzean izan beharko dira eta eta da onartuko argazki muntaiarik. Egile bakoitzak gehienez 5 argazki aurkeztu ahal izango ditu, gehienez sari batetarako hautatua izan daitekelarik  (sari 'berezia' kontuan izan gabe).

Sari berezia, Iñaki Joaristi "Altzarte" izenekoa, inauterietako jai giroari buruzko Koloretako argazki onenari emango zaio. Sari honetarako, partaide bakoitzak bi argazki aurkeztu ahal izango dituelarik.

Argazkien tamaina 20x30 zm koa izan beharko da, eta argazki bakoitzaren atzekaldean argazkiaren titulua, argazkilariaren izen abizenak, helbidea eta kontaktu telefono bat egon beharko dira. Argazki guztiak gainera, CD batean jpg formatuan aurkeztu beharko dira.

Argazkiak aurkezteko azken eguna otsailak 26a, gaueko 10tan izango da.

Nahi duenak hemen ditu jeisteko 2015ko sokamuturreko argazki lehiaketako oinarriak.

Atzo, ostiral gauez izan genuen Santo Tomas argazki barne lehiaketako sari banaketa Sanagustin kultur guenan.

Zuri beltzeko modalitatean Iñaki Aranburuk irabazi zuen eta Igor Froilan-en bilduma izan genuen koloretako kolekzio onena. Sari banaketaren aurretik lehiaketan parte hartu zuten argazkilari guztien bildumak ikusi ahal izan ziren eta ondoren irabazleen sari banaketa egin zen. Hemen dituzue gau horretako argazkiak.

Atzo, ostiral gauez izan zen Herriz Herri 2014 argazki rally ligako sari banaketa Eibarren eta bertan izan ziren gure elkarteko bi kide beraien sariak jasotzen. Iñaki Etxenagusiak rallyko bigarren postua lortu zuen eta Iñigo Kortak seigarrena. Zorionak biei!

Rallyaz aparte Trofeo Gipuzkoa International argazki lehiaketako sari banaketa ere aipatu behar dugu, bertan izan bait zen gure kidea den Iñigo Olarte, "C-Light" atalean, Zilarrezko Domina lortu bait zuen "Koila" izeneko argazkiarekin. Zorionak Iñigo!

Hemen dituzue bi sari banaketako argazkiak.

'Gure inguruari begirada bat' argazki lehiaketako sari banaketan Erlo Telebistak grabaturiko bideoa.