Atzo ostegunez, 2018 urteko hilabeteetako 12x12 lehiaketako emaitza guztiak aztertu ondoren, iadanik baditugu 2018 emaitzak. Urteko argazki bilduma onena Iñigo Olarte-rena izan da, bigarren postuan Iñaki Aranburu gelditu da eta hirugarren Mikel Cagigal. Zorionak hirurei.

Gure eskerrak agertu nahi dizkiegu hilabete hauetan bere argazkiekin lehiaketan parte hartu duzuten bazkide guztiei, eta aurten ere hileroko gaiak zuen kamerekin irudikatzen jarraitzeko gonbidapena luzatzen dizuegu. Aurtengo 12 gaiak iadanik web orrian argitaratuak dituzue.

Aurreko ostegunean, hileko lehen ostegun bezala, 12x12 barne lehiaketako aukeraketa izan genuen. Urriako gaia, "Argia eta itzalak" genuen, eta gai honekin ere argazki eder asko ikusi ahal izan genituen. Amaieran, argazki guztiak ikusi eta bozkatu ondoren hauek izan ziren lehen hiru postuetan gelditu diren argazkilariak: lehen postuan Alberto Beloki, bigarren postuan berdinketa izan genuen Iñaki Aranburu eta Iñigo Olarte-ren artean eta hirugarren Mikel Cagigal izan zen.

Hemen duzue lehen postuan gelditu den argazkia. Beti bezala lehen hiru argazkiak gure Ekintzak 12x12 atalean ikus ditzakezue.

Gabonetako oporrak amaitu ondoren, atzo berriro hileko 12x12 barne lehiaketarekin itzuli giñen, horrela 2018-ko lehiaketari amaiera emanez.

Aurten, abendua, kideok martxan genuen argazki liburuarentzat gelditu zen, beraz 12x12 lehiaketa azaroko argazkiekin amaitua eman da. Hil horretako argazki gaia "Kontzertua" genuen, eta beti bezala argazki guztiak ikusi ondoren eta bozketa egin zen. Hau izan zen emaitza: len postuan Iñaki Aranburu, bigarren Mikel Cagigal eta hirugarren Gorka Arregi.

Hemen duzue lehen postuan gelditu den argazkia. Beti bezala lehen hiru argazkiak gure Ekintzak 12x12 atalean ikus ditzakezue.

Atzo, hileko lehen ostegun bezala, 12x12 barne lehiaketako aukeraketa izan genuen. Iraileko gaia, "Herri Kirola" genuen, eta gai honekin ere argazki eder asko ikusi ahal izan genituen. Amaieran, argazki guztiak ikusi eta bozkatu ondoren hauek izan ziren lehen hiru postuetan gelditu diren argazkilariak: lehen postuan Alberto Beloki, bigarren Mikel Cagigal eta hirugarren Ekaitz Regillaga .

Hemen duzue lehen postuan gelditu den argazkia. Beti bezala lehen hiru argazkiak gure Ekintzak 12x12 atalean ikus ditzakezue.