DarkPhoto, Europan beldur eta zientzia fikziorari buruz egiten den argazki lehiaketa bakarrak, gure elkarteko lagun eta kide dugun Gorka Arregi-ren bi argazki hautatu zituen beraien erakusketarako. Hau, Hemoglozine jaialdi barruan ospatu zen, Ciudad Real-eko udaletxeko erakusketa gelan.
Hemen ditugu erakusketako bi argazkiak. Zorionak Gorka.
Juan Mari Ibarzabal, gure Azpeitiko Argazki Elkarteko lagun eta kideak likidoari buruzko argazki erakusketa bat antolatu du.
Bertan ur edalontzi batetan edo ur tanta xinple batzutan ikus daitezkeen irudiak ikus ahal izango ditugu, batipat likidoak leherketa mota ezberdinen aurrean duten jokaera azalduz.
Eta zer hobeto hau guztia azaltzeko Juan Mari beraren hitzak baino:
Likidoek beraiengan eragitean sortzen zituzten forma berezi eta xelebreak ikusteak, sortu zuen kurisiositatea nere barnean. Kuriositate horrek bultzatu ninduen bitxikeri horiei argazkiak egitera.
Atzo ireki zen "TubaJaialdia" erakusketa Sanagustin Kulturgunean. Bertan agertzen diren argazkiek, Azpeitian iadanik sendo finkatua dagoen jaialdi honi buruzko hainbat momentu erakusten dute (2010-2015 urte bitartekoak). Ikus daitezkeen 31 argazkietatik gehienak Alaitz Ruiz-ek ateratakoak dira, baina Alberto Belokiren batzuk ere badira bertan, biak gure elkarteko kideak. Musika eta argazkiak atsegin badituzue ziur argazki hauek ere gustoko izango dituzuela.
Erakusketa Urriak 10 arte egongo da martxan.
Hemen ditugu goian aipaturiko Alberto Beloki eta Alaitz Ruiz, Agustin Jimenez-ekin. Argazkiak: TubaJaialdia
Trofeo Gipuzkoa argazki lehiaketa 1948 urtean antolatu zen aurreneko aldiz. Urteetan gorabeherak izan ondoren, 1972an hartu zuen gaur egungo egitura.
Urtero bezala, iraileko egun hauetan Gipuzkoa XLIII Nazioarteko Trofeoko argazki bilduma Azpeitian dugu, ain zuzen, Betharrameko aretoan, 2016ko irailaren 10etik 25 bitartean.
Lehiaketa honetan Mundu guztiko 46 herrialdetako 442 argazkilarik hartu dut parte. Guztira 4.644 argazki aurkeztu direlarik.
Oraingoan, Enrique Lopez Tapiak aurkeztutako “Abalorios” argazkia izan da garailea.
Erakusketaren ordutegia (irailak 25 arte):
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
Urtero moduan, aurten ere Azpeitiko Udala eta Azpeitiko Argazki Elkartearen elkarlanarekin antolatzen den zezenketari buruzko argazki erakusketa prest dugu. Larunbatean iriki ziren erakusketako ateak eta abuztuaren 2a arte, Betharretako aretora gerturatzen den guztiak zezenketa eta errekortadore egunetako hainbat argazki ikusi ahal izango ditu.
Erakusketaren ordutegia (abuztuak 2 arte):
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
