Atzo osteguna prestatu zen Lagun Onak Mendizale tabernan argazki erakusketa berria. Oraingoan, bertan ageri diren argazkiak elkarteko argazkilarienak ditugu: Iñigo Olarte, Juan Carlos del Pozo eta Ramon Etxeberria.

Atzo ireki zen "Berinterpretazio" barne proiektuko argazki erakusketa Sanagustin Kulturgunean.

Proiektu honetan, parte hartzaile bakoitzak lan artistiko bat aukeratu behar izan zuen (eskultura, margolana, arkitektura lana, disko bateko azala, zineko kartela edota argazki ezagun bat) eta bertan oinarrituz bere  berinterpretazio lana egin behar izan zuen, berau noski argazki batekin egin behar izan zelarik.

Ikusi ahal diren berinterpretazio argazki proiektuen artean Ameriketako Rushmore mendiko presidenteen buruak, Beatles abeslarien Abbey Road diskaren portada e.a. ditugu.

Lanak honako argazkiarienak ditugu: Iñaki Aranburu, Gorka Arregi, Jexux Artola, Oscar Baile, Iñaki Etxenagusia, Valen García, Juan Mari Ibarzabal, Iñigo Olarte eta Erkaitz Regillaga.

Argazki erakusketa maiatzak 2 arte egongo da zabalik.

Prest dugu Azkoitia-Azpeitia maratoi erdiko argazki erakusketa.

Aurten apirilak 1ean izango da erdi-maratoia, eta aurreko urtean hasi genuen ohiturari jarraituz, lasterketako antolakuntzak eta Azpeitiko Argazki Elkarteak elkarlanean Apirilak 4ak arte ikusgai izango den erakusketa antolatu dugu. Bertan, argazkilari ezberdinek, urte ezberdinako lasterketetan ateratako argazkiak ikusi ahal izango dituzue.

Bihar martxoak 18, larunbata, irekiko da Argizaiola 2016 leihaketako argazki erakusketa. Betharram aretoa oraindik itxita jarraitzen duenez, momentuz erakusketak Hartzubia kaleko lokalean egingo ditugu (pasabidean).

Argizaiola, Euskal Herriko argazki federakuntzak antolatzen duen leihaketa bat da, argazkilari askoren esanetan "lehiaketen artean txapelduna", bertara argazki bat aurkezteko antolakuntzatik gonbidapen bat jaso behar bait duzu.

Gonbidapen hau Euskadi, Naparroa eta Iparraldeko argazkilariek soilik jasotzen dute, beti ere lehenik aurreko urtean zehar federakuntza barneko elkarte ezberdinek antolaturiko leihaketaren bat irabazi beharra dagoelarik.

Erakusketa martxoak 29a arte egongo da irekita.