Atzo, astelehena, ireki zen Sanagustin Kulturgunean inauteri giroko erakusketa. Bertan, azken urteetan inauterietako jai giroari buruzko argazki lehiaketara aurkeztu diren lanen artetik aukeraturiko hainbat argazki ikusi ahal izango dituzue.
Erakusketa Martxoak 11 arte egongo da ikusgai.
Aste honetatik Lagun Onak Mendi Bazkuna-ra gerturatu den guztiak erakusketa berria ikusi ahal izan du. Oraingoan ere argazkiak elkarteko argazkilarienak ditugu, Valen Garcia, Juan Carlos del Pozo eta Iñigo Olarte-renak ain zuzen. Nahi duenak 2019ko martxoak 14-arte izango du argazkiak ikusteko aukera.
Azken urteetako ohiturarekin jarraituz aurten ere Sanagustin Kulturgunean Santo Tomas jaietako erakusketa prestatu dugu.
Oraingo erakusketan 2017ko Santo Tomas egunean antolatu genuen barne argazki lehiaketako argazkiak ikusi ahal izango dituzue.
Erakusketa abenduak 25 arte egongo da zabalik.
Aste honetatik Lagun Onak Mendi Bazkuna-ra gerturatu den guztiak erakusketa berria ikusi ahal izan du. Oraingoan ere argazkiak elkarteko argazkilarienak ditugu, Jexus Artola, Alberto Beloki eta Angel Olabarria-renak ain zuzen. Nahi duenak 2019ko urtarillak 17-arte izango du argazkiak ikusteko aukera.
Urtero bezala, iraileko egun hauetan Gipuzkoa XLV Nazioarteko Trofeoko argazki bilduma Azpeitian dugu, ain zuzen, Foru Pasealekuko aretoan, aste honetatik, 2018ko irailaren 30arte.
Trofeo Gipuzkoa argazki lehiaketa 1948 urtean antolatu zen aurreneko aldiz. Urteetan gorabeherak izan ondoren, 1972an hartu zuen gaur egungo egitura.
Aurtengo lehiaketa honetan mundu guztiko 46 herrialdetako 400 argazkilarik hartu dute parte. Guztira 4312 argazki aurkeztu direlarik.
Oraingoan, Danny Yen Sin Wong Malasiarrak aurkeztutako “Bras Copper” argazkia izan da garailea.
Erakusketaren ordutegia:
Astelehenetik ostiralera: 18:00 - 20:00
Asteburu eta jai egunetan: 12:00 - 14:00
