Udaberriarekin batera hemen gatoz gu ere gure Udaberriko edo Urola Bailarako Argazki Rallyarekin.

Aurtengo rallya Apirilak 6, igande honetan ospatuko da. Parte hartzea beti bezala DOAKOA izango da eta Izen ematea Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00etatik 09:30k bitartean. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitia bertan izango dugu.

Rallya 14:00etan emango da bukatutzat, ordu hori baino lehenago, 13:00etatik 14:00etara bitartean, argazkilariek Dianamoko egoitza berean deskargatu beharko dituztelarik txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena eta teknika izango dira kontutan puntuak ematean.

Otsailak 22an izan genuen aurtengo Gau-Txori argazki rallya. Aurtengoan 25 partaide izan ditugu rallyan, gehienak Gipuzkoako herri ezberdinetatik etorritakok baina Bizkaitar batzuk ere izan ditugu bertan. Ordizia, Donostia, Zestoa, Arroa, Legazpi, Lazkao, Muxuika, Irun, Mutiloa, Urretxu, Zumaia, Arrasate, Barakaldo... eta noski Azpeitiko argazkilariak izan genituen herrian argazkiak ateratzen.

Hauek izan ziren rallyrako aukeratutako gaiak: kaldereroak, kontrapikatua, jateko tresnak, sua eta eraikina.

Pilar Aguayok, Fernando Anzak eta J.L. G. de Madinabeitiak osatutako epai-mahiak, argazki bilduma guztiak ikusi ondoren, honako erabakia hartu zuen:

1. saria, 115 punturekin, Josu Altzelai. Berarentzat 150€ eta garaikurra

2. saria, 104 punturekin, Adiel Zabala. Berarentzat 100€ eta garaikurra

3. saria, 103 punturekin, Gorka Gomez. Berarentzat 70€ eta garaikurra

Herriko lehen sailkatua (hiru lehenetan ez saritua), eta bigarren urtez jarraian, Iñigo Olarte dugu. Zorionak denei.

Gure Ekintzak / Rallyak sailean ikus ditzakezue sarituen argazki bildumak.

Nahi duenak eskuragarri du Rallyko akta.

Atzo gauean izan genuen aurtengo Gau-Txori rallyko sari banaketa Azpeitiko Argazki Elkartean.

Ohitura den bezala, sari banaketaren aurretik Rallyan parte hartu zuten argazkilarien argazki bildumen proiekzioa izan zen. Gure aurreko albistean jakinarazi genuen bezala hauek genituen aurtengo sarituak: 1. postuan, Josu Altzelai, 2. Adiel Zabala eta 3. Gorka Gomez. Herriko lehen sailkatua (hiru lehenetan ez saritua), Iñigo Olarte izan zen.

Zorionak sarituei eta eskerrik asko bertara gerturatu ziñeten guztioi.

Hemen ditugu sarituak beraien sariarekin. Gogoratu sarituen argazki bildumak gure web orrian, Ekintzak sailean dituzela ikusgai.

Beste behin ere "GAU TXORI" gaueko argazki rallya antolatzera goaz, aurten Otsailaren 22an izango delarik. Bertan memoria-tarjetadun ​kamera digitala ​duen edonork parte hartu dezake. Partaide bakoitzak bere memoria-tarjeta ekarri beharko du, guztiz hutsik. Argazkiak Azpeitian aterako dira, txuri-beltzean edo koloretan egin ahal izango direlarik (gaiak gau bertan esango dira).

Izen-ematea DOAIN izango da. Rally egun berean egin beharko da, Azpeitiko Argazki Elkartearen egoitzan (DINAMOA kultur gunean, Soreasu) 19:00tatik 20:00etara.

Rallya 01:00etan amaituko da Azpeitiko Argazki Elkartean, tarjetak ordenagailuetan huztuz. Gehienez 36 argazki aurkeztu ahal izango dira (kontroleko argazkia barne), ezabatu ahal izango direlarik. Argazkiak ezingo dira manipulatu.

2025eko otsailaren 27a baino lehen parte-hartzaileek gai bakoitzeko argazki bat aukeratu eta Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera korreo elektroniko baten bidez bidali beharko dituzte, bertan partaide zenbakia eta gai bakoitzerako hautatzen den argazkiren zenbakia adieraziz. Beti bezala, berezkotasuna, sormena eta teknika izango dira kontutan puntuak ematean.

Beheko estekan dituzue rallyko oinarriak, bertan ikus ditzakezue xehetasun guztiak.

Gau-Txori 2025 rallya, oinarriak ikusi/jaitsi