Udaberriko 2022 Argazki Rallya
![](/images/noticias-berriak/2019/udaberri-rallya-julian-ruiz.jpg)
Udaberria ere hemen dugu eta hemen gatoz Udaberriko edo Urola Bailarako XLIII. Argazki Rallyarekin.
Aurten rallya Apirilak 3an ospatuko da. Izen ematea beti bezala Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00tatik 09:30ra bitartean. Izena emateko orduan 10€ ordainduko direlarik. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitian bertan izango dugu.
Rallya 14:00etan bukatuko da. Argazkilariek Dianamoko egoitza berean deskargatu beharko dituzte txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena, eta teknika izango dira kontutan puntuak ematean.