Epaimahai puntuatzailea (Pilar Aguayo, Carlos Mediavilla eta Imanol Manterola) bildurik, Apirilak 2an ospatu zen Udaberriko argazki rallyan parte hartu zuten argazkilarien bildumak ikusi eta puntuatu ondoren, honako erabakia hartu zuen:

1. bilduma onena: Patxi Irazabal - 150€ eta Azpeitiko eskudela
1. bilduma onena: Igor Froilan - 150€ eta garaikurra
3. bilduma onena: Jose Luis Rodriguez - 90€ eta garaikurra

Herriko edo elkarteko lehena (lehen postuetan ez saritua): Adiel Zabala - 70€ eta garaikurra.

Rallyko argazki onenaren saria Igor Froilan-entzat izan da (albiste honetan duzuten argazkia) - 50€ eta garaikurra.

Lehenengo aldiz gure rally batean, berdinketa izan dugu lehen postuan. Patxi Irazabal, Donostiarrak eta Igor Froilan Azpeitiarrek puntuaketa berdina lortu dute beraien argazkiekin, beraz epai mahaiak biei lehen postuko 1. bilduma onenaren saria ematea erabaki zuten, bigarren postua hutsik gelditu zelarik. 3. postua Jose Luis Rodriguez, Barakaldo-ko argazkilariak lortu zuen.

Rally honek aurten izan duen berezitasunetako bat "Urdinduz" egunean ospatu zela izan zen. Egun berezi hau kontuan izanik, rallyko gai bat "Urdinduz" izan zen (beraiekin aurretik adosturik). Horrela rallya amaitu zenean, eta argazkilari ezberdinekin ere adostuz, rallyan gai honi buruz ateratako argazkiak (200 argazkitik gora), Urdinduz elkartearentzat izango dira.

Argazki bildumen proiekzioa eta sari banaketa larunbat honetan, Apirilak 15ean, arratsaldeko 18:30tan izango da Soreasu Kultur Dinamoan. Denok zaudete gonbidatuta.

Rally-ko argazki bildumak ikusi

Larunbat arratsaldean izan genuen Gau-Txori rallyko sari banaketa Dinamoa Kultur Gunean.

Ohitura den bezala, sari banaketaren aurretik Rallyan parte hartu zuten argazkilari guztien argazki bildumen proiekzioa ikusi ahal izan zen bertan.

Hemen ditugu sarituak beraien sariarekin. Eta beti bezala sarituen argazki bildumak gure web orrian, Ekintzak sailean dituze ikusgai. Argazkiak ikusi.

Udaberrian sartu gara eta honekin batera hemen gatoz gure Udaberriko edo Urola Bailarako XLIV. Argazki Rallyarekin.

Aurten rallya Apirilak 2an ospatuko da. Izen ematea beti bezala Azpeitiko Argazki Elkartean izango da (Dinamoa Kultur Gunean, Soreasu), rallyko egun berean, goizeko 09:00tatik 09:30ra bitartean. Izena emateko orduan 10€ ordainduko dirak. Kamera digitala eta memoria-txartel huts bat duen edonork har dezake parte. Aurten ere ibilbidea Azpeitian bertan izango dugu.

Rallya 14:00etan bukatuko da. Argazkilariek Dianamoko egoitza berean deskargatu beharko dituzte txartelak. Gehienez 36 argazki izango ditu (kontroleko argazkia barne). Argazkiak ezabatu ahal izango dira baina ezingo dira manipulatu. Ordenagailuaren erabilera debekatuta dago. Berezkotasuna, sormena eta teknika izango dira kontutan puntuak ematean.

Otsailak 4ean izan genuen aurtengo Gau-Txori argazki rallya. Oraingo honetan 21 partaide izan genituen gure artean, Barakaldo, Mañeru, Donosti, Oñati, Zumaia, Zestoa eta noski Azpeitiko argazkilariak.

Gaur arratsaldean elkartu da epaimahia, Gorka Arregi, Julen Juaristi eta Santi Elias-ek osatua eta argazki bilduma guztiak ikusi ondoren bilduma onena eta lehen saria Igor Froilan-ena dugula erabaki dute. Bigarren bilduna onena Ivan Rodriguez-ena izan da, 3. postuan Arantza Rodriguez gelditu delarik. Herriko lehen sailkatua (hiru lehenetan ez saritua) Oscar Baile dugu. Zorionak denei.

Sari banaketa eta lehiaketara auzkeztutako argazkien proiekzioa otsailak 25ean izango da, Dinamoa Kultur Gunean (Soreasu), arratsaldeko 18:30etan.

Nahi duenak eskuragarri du akta eta puntuaketa: Gau-Txori 2023-ko akta ikusi.