Larunbat arratsaldean izan genuen Udazkeneko argazki rallyko sarituen sari banaketa. Iadanik ohitura den bezala, sari emanaldiaren aurretik rallyko parte-hartzaile guztien argazki bildumak ikusi ahal izan genituen. Hemen dituzue sarituak.

Igande honetan, udazkeneko argazki-rallya izan genuen Azpeitian. Aurreko edizioan bezala, mendiko ibilbide klasikoaren ordez, herrian bertan zen ibilbidea, honek partaideei Azpeitiko hainbat puntu hobeto ezagutzeko aukera eman zielarik.

23 parte-hartzaile izan genituen rallyan, Donostia, Hernani, Zumaia, Zestoa, Idiazabal, Lazkao eta Durangotik eta noski Azpeititik etorritakoak. Prestaturiko ibilbidean zehar honako gaiak landu behar izan zituzten: Udazkena, Garraio publikoa, Janaria (pintxoak, bokatak, etab.), Skatepark Izarraitz eta Elizaren barrualdea.

Beti bezala, rallya amaitu ondoren partaide bakoitzak bere txartela deskargatu zuen. Orain partaide bakoitzak bere argazkiak etxean lasai ikusteko aukera izango du, bere argazki aukeraketa azaroak 10 baino lehen bidali beharko duelarik Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera. Bertan, 'partaidearen izena', 'artxiboaren izena' eta 'gaiaren zenbakia' zehaztu beharko dira (kominikagarria izango litzateke argazkiak horizontalki edo bertikalki ateratakoak diren adieraztea).

Behin rallyko emaitzak eta sailkapena ezagututa sari banaketari eta bildumen proiekzioa azaroaren 19an izango dugu, arratsaldeko 18:30tan, Azpeitiko Argazki Elkartearen egoitzan (Dinamo Kultur gunean, Soreasu).

Epaimahai puntuatzaileak (Carlos Mediavilla, Carlos Romero eta Imanol Manterola) argazki rallyra aurkeztutako argazkiak ikusi eta puntuatu ondoren, honako erabakia eman zuen:

1. bilduma onena: Antonio Valencia - 150€ eta garaikurra
2. bilduma onena: Igor Froilan - 125€ eta garaikurra
3. bilduma onena: Ainara Garcia - 100€ eta garaikurra

Herriko lehen sailkatua (ez saritua): Iñigo Olarte - 90€ eta garaikurra

Rallyko argazki onena Antonio Valencia-ren bildumako argazki bat izan da - 60€ eta garaikurra berarentzat.

Argazki bildumen proiekzioa eta sari banaketa larunbat honetan, Azaroak 19, arratsaldeko 18:30-tan izango da Dinamo Kultur taldean, Soreasu. Denok zaudete gonbidatuta.

Rallyko akta/puntuaketa ikusi

Goiz atsegin bat pasa nahi baduzu argazkiak ateratzen eta Azpeitiko bazterrak pixka bat ezagutzen, ez izan zalantzarik, hurbildu AZAROAREN 6an eta parte hartu gure Udazkeneko argazki rallyan.

Izen ematea Rallyko egun berean, elkarteko egoitzan izango da, Dinamo Kultur Gunea (Soreasu) goizeko 9:00etatik, 9terdik bitartean.

Argazkiak ateratzeko gaia eta ibilbidea, rallyko egun bertan jakinaraziko dira.

Parte-hartzaile bakoitzak, gehienez, 36 argazki aurkeztu ahal izango ditu, guztiak JPG formatuan. Rallya 13:30ean bukatuko da, elkarteko egoitzan, momentu horretan parte hartzaile guztien txarteletako edukia ordenagailuetara pasatuko delarik.

Ondorengo egunetan, partaide bakoitzak bere argazki aukeraketa bere etxetik egin ahal izango du. Argazki aukeraketa horiek Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera bidali beharko ditu, parte-hartzailearen izen-abizenak, artxiboaren izena eta gaiaren zenbakia zehaztuz. Argazkiak bidaltzeko azken eguna azaroak 10 izango da.

Nahi duenak hemen ditu oinarriak: Udazkeneko argazki rallya 2022, oinarriak